ഇംഗ്ലണ്ടിലെ ഡിവോണഷെയര് പ്രഭുവിന്റെ എസ്റ്റേറ്റില് നിരവധി വിലപിടിപ്പുള്ള ചിത്രങ്ങളുടെ പ്രദര്ശനം ഉണ്ടായിരുന്നു. വിനോദ സഞ്ചാരികളുടെ ഒരു കൂട്ടം അത് കാണാന് പോയി. ഒരു സ്ത്രീ വളരെ നിശബ്ദയായി ഓരോ ചിത്രത്തിന്റെയും അടുത്തു ചെന്ന് സസൂക്ഷ്മം വീക്ഷിച്ചു. തിരിച്ചു വണ്ടിയിലെത്തിയപ്പോള് അവര് ആ സ്ത്രീയോടു ചോദിച്ചു:"എങ്ങനെയുണ്ടായിരുന്നു പ്രദര്ശനം?"
അവര് മറുപടി പറഞ്ഞു:"എന്തൊരു വൃത്തിയാണ്. അല്പം പോലും പൊടിപിടിച്ചിട്ടില്ല ഒരു ചിത്രത്തിലും".
അവര് മനോഹരമായ ചിത്രം കാണാനല്ല, പൊടിയുണ്ടോ എന്ന് നോക്കാനാണ് സമയം ചെലവിട്ടത്. നന്മകാണാന് സാധിക്കാത്തവര് എല്ലായിടത്തും തിന്മയേ കാണൂ. ഓരോ തരത്തിലുള്ള തിന്മ കാണാനണ് അവര് അവരെ ഉറ്റുനോക്കുന്നത്.
ജൂലിയസ് സീസറില് ഷേക്സ്പീയര് പറയുന്നു:"The fault,dear Brutus,is not in our stars,but in ourselves" (ജനനസമയത്തെ) നമ്മുടെ നക്ഷത്രങ്ങളിലല്ല തിന്മയിരിക്കുന്നത്, നമ്മില് തന്നെയാണ്. നമ്മുടെ ഉത്തരവാദിത്വം നമ്മുടെ ജാതകത്തില് കെട്ടിവയ്ക്കുന്നത് ശരിയല്ല. കണ്ണുണ്ടായാല് പോര. കാണണം. അതും അകക്കണ്ണുകൊണ്ട്.
ബൈബിളില് പറയുന്നു:"കണ്ണാണ് ശരീരത്തിന്റെ വിളക്ക്."
ഒഥല്ലോയ്ക്കുണ്ടായ അസൂയ അദ്ദേഹത്തിന്റെ മാനുഷിക ഭാവത്തെ ഇല്ലാതാക്കി മൃഗസഹജമായവ പുറത്തുകൊണ്ടു വന്നു എന്നോര്ക്കുന്നത് നന്നായിരിക്കും.
Subscribe to:
Post Comments (Atom)
2 comments:
കണ്ണുണ്ടായാല് പോര. കാണണം കൂട്ടുകാരേ!
"കണ്ണാണ് ശരീരത്തിന്റെ വിളക്ക്."
"കണ്ണുണ്ടായാല് പോരാ കാണണം"
അകക്കണ്ണ് നന്നായി.
Post a Comment